सिमसिमे पानीमा बोलको गीतबाट प्रसिद्धी कमाएकी गायिका रेखा शाहले यस वर्षको हरितालिका तीजको अवसरमा तीज गीत ‘लहरै आयो तीजैको बरिलै’ को अडियो र भिडियो सार्वजनिक गरेकी छिन्।
टेकेन्द्र नेपालीको शब्द र संगीत रहेको गीतमा पवन रानाभाटको संगीत संयोजन रहेको छ।
रूपेश थापाले छायांकन र निर्देशन गरेको म्युजिक भिडियोमा नेपालका प्रसिद्ध अभिनेतृद्वय श्वेता खड्का र नीता ढुंगानाको नृत्य र अभिनय रहेको छ।
दुई अभिनेतृसँगै गायिका शाहले पनि अभिनय गरेको गीतमा स्मृति तिमिल्सिनाको नृत्य निर्देशन र मिलन विश्वकर्माको सम्पादन रहेको छ।
भूपेन्द्र खड्काको अडियो प्रोडक्सनमा ‘अ सेरिज नेपाल’ र ‘रेखा शाह फाउन्डेसन’को प्रस्तुति रहेको गीतको भिडियो गायिका शाहकै युट्युब च्यानलबाट सार्वजनिक भएको हो।
हेर्नूहोस् भिडियो:
